Êrîşên Îsraîlê yên li ser herêmên başûrê Libnanê tevî peymana agirbestê jî berdewam dikin. Li gundê Kefr Rûmanê, balafirên şer avahiyeke niştecîhbûnê ya 3 qatî bomberan kirin û di encamê de 9 kesan jiyana xwe ji dest dan. Li heman bajarokê, di êrîşeke din a bi dronan de ku li dijî wesayîtekê hat kirin, 2 xebatkarên tendurustiyê hatin kuştin.
Ji aliyê din ve, artêşa Îsraîlê beriya ku êrîşî herêma Dêr ez-Zehranî bike, bang li şîniyên herêmê kir ku avahiyên nêzî "tesîsên Hizbullahê" vala bikin. Artêşê daxuyand ku ev êrîş "wek bersivekê li dijî avêtina du dronên Hizbullahê yên ber bi serbazên wan ve hatine kirin" hatine destpêkirin. Piştî vê hişyariyê, li herêmê koçberiyeke mezin dest pê kir û piştre herêm ji aliyê balafiran ve hat bomberankirin.
Li ser vê rewşê, Serokomarê Libnanê Joseph Aoun bang li Dewletên Yekbûyî yên Amerîkayê (DYA) kir ku ji bo rawestandina êrîşên Îsraîlê bi lez bikeve tevgerê û ev geşedan wek "pêvajoyeke xeternak" bi nav kir.
