Berdevkê Serokatiya Rûsyayê Dmitry Peskov diyar kir ku hîn zû ye behsa dem û cîhekî diyarkirî bo van rûniştinan bê kirin, lê egera vê formata sêalî li pêş e. Ev daxuyaniya Rûsyayê piştî wê yekê hat ku Wîtkof û Kuînêr bi Serokê Ûkraynayê Volodymyr Zelensky re li Kîevê civiyan û her du aliyan behsa "pêşveçûn û coşeke nû" ya ji bo bidawîkirina şer kirin. Beriya ku şandeya Amerîkî derbasî Kîevê bibe, li Moskowê 3 saetan bi Serokê Rûsyayê Vladimir Putin re rûniştibûn.
Zelensky ev gotûbêj wekî yên "pir bingehîn" bi nav kirin û amadebûna welatê xwe ya ji bo beşdarbûna di danûstandinên sêalî de anî ziman. Di heman demê de, şêwirmendên ewlehiya neteweyî yên ji Brîtanya, Fransa û Almanyayê jî beşdarî hinek ji van civînên li Kîevê bûn. Tevî van hewldanên dîplomatîk, nakokiyên serekî di navbera Moskow û Kîevê de li ser herêma Donbasê û her wiha daxwazên garantiyên ewlehiyê hîn berdewam in.
