Civîna yekemîn a Meclisa Partiyê ya Partiya Demokrasî û Wekheviyê ya Gelan (DEM Partî) piştî Kongreya 5'emîn a mezin a Asayî, li navenda giştî ya partiyê dest pê kir. Di vê civînê de ku endamên nû yên meclisê hatine cem hev, rojeva herî sereke avakirina Desteya Rêveberiya Navendî (MYK) û dabeşkirina peywirên nû yên rêveberiyê ye.
Her wiha li gorî agahiyên hatine ragihandin, di civînê de dê mijarên girîng ên wekî pêvajoya Aştî û Civaka Demokratîk, nirxandina encamên kongreyê û plansaziyên xebatê yên ji bo serdema nû bi berfirehî werin nîqaşkirin.
