Ava Firatê zêde bû, deriyê yedek ê bendava Firatê hat vekirin.
Li navçeyên her du aliyên Firatê, av derbasî nav malan bû, kolan û cade wek çemekî xuya dikin.
Ava çemê zêdetirî 2 metereyan bilind bû, hejmarek ji çalakvan û rojnamevanên Dêr û Reqayê dibêjin metirsiyeke mezin heye, heger Hikûmeta Veguhêz a Sûriyê alîkariyê neke, gefeke mezin li ser niştecihên vê herêmê heye.
Heta niha 3 zarok di ber avê re çûn û jiyana xwe ji dest dan, çend zarokên din jî wendayî ne.
Her wiha 3 pira li ser çemê firatê ku her du aliyên çemê li Dêrazorê bi hev girê didan, têk çûne niha li wê deverê çûn û hatin di navbera her du aliyan de, nema tê kirin.
Lehiyê erdên çanidniyê jî dan ber xwe, êdî ew cotkarê ku li benda mûsimê bû, niha li benda alîkariyê ye, ji ber ku bendewariyê wî bi dawî hat û çandiniya wî têk çû.
Saziyên Hikûmeta veguhêz a Sûriyê jî dîmenên tîmên hawarçûnê belav kirin, ku ji bo alîkarîkirina xelkê Reqa û Dêrazorê hatin şandin.
Lê alîkarî li gor pêwîstiyê nehatiye kirin.
