Elî Larîcanî gef li Washingtonê xwar û Talîban jî piştgiriyê dide

Sekreterê Konseya Bilind a Ewlehiya Niştimanî ya Îranê Elî Larîcanî gef li Washingtonê xwar. 

Larîcanî da zanîn ku ew ji bo dan û standinan amade ne, lê heke êrîşî wan were kirin, ew ê baregehên leşkerî yên Amerîkayê armanc bigirin.

 Di heman demê de got:

"Bi liberçavgirtina serpêhatiya borî, ez dûr dibînim ku aliyê hember li pey şer be, lê em li gorî dema şerê 12 rojan zêdetir amade ne."

 Mûsewî: Eger niyeta Trump a şer heye nexwe çima danûsantinan dike?

Di heman çarçoveyê de, Serfermandarê Hêzên Çekdar ên Komara Îslamî Ebdurehîm Mûsewî destnîşan kir ku divê Trump bizanibe ku şerê li dijî Îranê wê ji bo wî ders be. 

 Mûsewî got:

 "ger Trump niyeta wî heye ku şer bike, çima ew qala danûstandinan dike?"

 Di heman demê de got ku "idiaya serokê Amerîkayê ku ew hêzeke super e, ne rûmeta serokekî ne û bêwate ne." 

Talîban: Em amade ne alîkariya Îranê bikin

 Bi rewşa Îranê ve girêdayî, Berdevkê Talîbanê Zebîhulah Mucahid ji radyoya Îranê re axivî.

 Berdevkê Talîbanê got ku eger Amerîka êrîşî Îranê bike, ew amade ne ku alîkariyê bidin Tehranê.

 Mucahid di daxuyaniya xwe de, diyar kir ku Îran di şerê 12 rojan yê meha hezîranê yê bi Îsraîlê re bi ser ketiye.

 Her wiha idîa kir ku Îran wê di êrîşeke gengaz a Amerîkayê de jî bi ser bikeve.