Li navçeya Kerboran a Mêrdînê, Îbrahîm Dîlek yê 18 salî ji aliyê kesên nenas ve rastî êrîşek çekdarî hat.
Bûyer duh derengiya şevê li ser rêya taxa Kîlavuz a gundewarî ya navçeya Kerboran a Mêrdînê pêk hat.
Tê îdiakirin ku Dîlek ji aliyê kesekî an kesên nenas ve hatiye astengkirin û piştî nîqaşekê, ciwan bi çekê hatiye hedefgirtin.
Piştî agahdarkirinên niştecihên herêmê, tîmên tendurîstiyê û jendermeyan çun cihê bûyerê.
Li cihê bûyerê mudexeleya yekem hat kirin û bi ambulansê ew birin Nexweşxaneya Dewletê ya Kerboranê.
Tevî hemû hewldanên mudaxeleyê jî piştî rakirina nexweşxaneyê Îbrahîm Dîlek jiyana xwe ji dest da.
Li ser bûyerê lêpirsîn hatiye destpêkirin û hewlên ji bo girtina gumanbaran berdewam dikin.
