Li Îranê teqînek çêbû û di encamê de, 5 kesan jiyana xwe ji dest da.
Rêveberê Saziya Parastina Sivîlan a Ehwazê, Babek Rebîî ragihand ku li avahiyeke çar qatî ya li taxa Perdîsê ya bajarê Ehwazê teqînek çêbûye.
Babek Rebîî diyar kir ku di vê teqînê de, 5 kesan jiyana xwe ji dest da, 2 kesên din jî, birîndar bûn û dibe ku di bin kavilên avahiya hilweşiyayî de, kesek mabe.
Her wiha Rebîî eşkere kir ku tîmên lêgerîn û kontrolê, yekser berê xwe dan cihê bûyerê.
Hate xuyakirin ku sedema teqînê ji ber rijîna gazê bû û di encamê de avahî bi temamî wêran bûye.
© 2026 – NÛÇE TV Hemû maf parastî ne. Nûçe Rastî ye