Ajansa nûçeyan a Reutersê destnîşan kir ku dadgeha Srî Lankayê biryar daye ku 84 cenazeyên deryavanên Îranî yên ku di êrîşa 4’ê adarê de li peravên welêt ji aliyê Amerîkayê ve hatibûn kuştin, radestî welatê wan bike.
Di 4’ê adarê de, keştiya şer a Îranê Dîna dema ku vedigeriya welatê xwe, li okyanûsa Hindê ji aliyê binavderyayeke Amerîkî ve hate armancgirtin.
Wezareta Parastinê ya Srî Lankayê ragihandibû ku di encama êrîşê de 101 kes winda bûn û 78 kes jî birîndar bûn.
Piştî êrîşê, Serokê Amerîkayê Donald Trump ji Srî Lankayê xwestibû ku deryavanan, radestî Îranê neke.
