Li her deverên cîhanê bi boneya 3`yemîn salvegera Jin Jiyan Azadî çalakî hatin lidarxistin.
Li bajarê Dusseldorfê ya Almanyayê, bi pêşengiya Yekitiya Jinên Kurd ên Almanyayê (YJK-E), li Schadowplatz a Dusseldorfê, ji bo bîranîna salvegera 3’yemîn a şehîdbûna Jîna Emînî ku bi bihaneya nepejirandina zagonan ji aliyê hêzên dewleta Îranê ve hate qetilkirin, çalakiyek hat lidarxistin û bi hezaran belavok di nav gel de hatin belavkirin.
Li Hambûrgê çalakiyek ji bo şehîdbûna Jîna Emînî hate lidarxistin
Her wiha li Hambûrgê jî ji bo Jîna Emînî û li dijî qirkirina jinan çalakiyek hate lidarxistin.
Bi rêvebirina Meclîsa Jinên Kurd a Rojbîn, bi boneya 3’yemîn salvegera qetilkirina jina ciwan Jîna Emînî û jinên bi tundiya dewlet-mêran hatine qetilkirin li Rathausê çalakiyek hate lidarxistin.
YJK-E bang li jinên cîhanê kir ku li dijî darvekirinên li Îranê derkevin
Tevgera Jinên Kurd bang li jinên cîhanê kir ku li dijî cezayên darvekirinê yên dewleta Îranê, tevlî çalakiyên kampanyaya “Na ji darvekirinê re, erê ji jiyana azad re” bibin, ku armanc dike cezayê darvekirinê bê rakirin.