Parêzgarê Hewlêrê Umîd Xoşnaw di der barê êrîşê de daxuyaniyek da û da zanîn ku di encama van êrîşan de agirekî mezin derketiye.
Umîd Xoşnaw got ku "êrîşa yekem di demjimêr 07:30`ê sibehê de pêk hat.
Di demjimêr 08:40`î de jî, drona duyem li heman cihî xist.
Di demjimêr 10:20`î de, drona sêyem jî li depoyê da."
Parêzgarê Hewlêrê diyar kir ku bi giştî 3 dron li depoyê ketin, droneke din jî berî ku bigihêje armanca xwe, li asmanan ji aliyê hêzên ewlehiyê ve hat teqandin.
Xoşnaw li ser vekişîna tîmên hawarçûnê jî got:
"Ji bo parastina canê karmendên hêzên ewlehiyê û tîmên Parastina Sivîlan, me xwest ew ji cihê bûyerê dûr bikevin.
Ji ber ku cih 3 caran hat bombebarankirin û agir gelekî mezin bû.
Di hundirê depoyê de her tişt şewitî."
