Li Navenda Kongreya çandê ya Amedê Komisyona ziman, Çand û Hunerê ya DEM Partiyê bi saziyên ziman re civînek li dar xist.
Di civînêde têkildarî pêvajoya heyî û Komisyona Hevgirtina Netweyî, Xwîşk-Biratî û demokrasiyê nêrinên Saziyên Ziman hatin guhdarkirin.
Beştaş: Nêrîna hevpar ewe ku komisyon bi Ocalan re hevdîtin bike
Hevberdevka Kongreya Demokratîk a Gelan (HDK) Meral Daniş Beştaş jî derbarê xebatên komisyonê û girîngiya ziman di civînê de nêrin da û got:
“Me li gelek tecrûbeyên cîhanê nêrî û li akademîsyenan guhdar kir. Di mijara guhdarîkirina birêz Ocalan de nêrîneke hevpar heye divê hefteya bê koisyon bi Rêber Apo re hevdîtin bike.”
Meral Daniş Beştaş li ser girîngiya Zimanê Kurdî jî da zanîn ku, divê zimanê Kurdî bêyî hincet di rojeva komîsyonê de cih bigire. Heta niha li saziyên Kurdan nehatiye guhdarîkirin.
Komisyona Hevgirtina Neteweyî, Xwîşk-Biratî û demokrasî hefteya pêş de wê saziyên zimanê Kurdî were guhdarkirin.”
Meral Daniş Beştaş: Zimanê Kurdî ji bo me sedemê hebûn û jiyanê ye
Di berdewamiya nirxandinên xwe de Meral Daniş Beştaş da zanîn ku, Zimanê dayikê ji bo me her tim sedema hebûnê û jiyanê ye û wiha lê zêde kir:
"Lewma zimanê Kurdî divê bibe zimanê perwede û wêjeyê, zimanê Kurdî zimanekî dewlemend e û divê zimanê me were qebûlkirin û di qanûnan de cih bigre.
Dilbihar: Pirsgirêka herî sereke li Tirkiyê înkarkirina ziman e
Hevberdevka Komisyonê Dilbihar jî li ser girîngiya ziman nêrin da û diyar kir ku divê karê esas yê komisyonê fermî kirina Zimanê Kurdî be û wisa dirêjî da axiftinên xwe:
“Li Kurdistan û Tirkiyeyê pirsgirêka herî mezin, înkarkirina ziman, çand û nasnameya gelê Kurd e.
Ev 100 sal in hewl didin gelê Kurd bi polîtîkayên dewletê ji holê bên rakirin û daxwaza herî xwezayî ya Kurdan bi zimanê kurdî jiyankirine û divê ev maf were qebûlkirin.”