Berdevka DEM Partiyê Ayşegul Dogan der barê geşedanên di rojevê de li navenda giştî ya partiya xwe civîna çapemeniyê li dar xist.
Ayşegul Dogan pêşî bal kişand ser êrîşên li dijî dibistanan û anî ziman ku li Tirkiyê jiyana tu kesî ne di ewlehiyê de ye.
Berdevka DEM Partiyê di daxuyaniyê de wiha got:
DEM Partî ji bo amadekirina raporê û parvekirina êşa welatiyên me, şandeyek şand Meraş û Rihayê.
Ayşegul Doganê destnîşan kir ku divê kuştina bi guman a Gulistan Dokû, Rojîn Kabaîş, Narîn Guran û hemû jinan bên ronîkirin û kesên sûcdar divê bên cezakirin.
Ayşegul Dogan: Divê xebatên çêkirina qanûnan demildest bên kirin
Ayşegul Doganê bi lêv kir ku tevî di ser rapora hevpar a Komîsyona Meclisê de 2 meh derbas bûne jî, lê ji bo çêkirina qanûnan tu xebat nayê kirin û wiha lêzêd kir:
"Divê xebatên çêkirina qanûnan demildest bên kirin.
Civak li benda derxistina qanûnan e."
Di dawiya daxuyaniya çapemeniyê de, Berdevka DEM Partiyê Ayşegul Dogan ji bo 1'ê Gulanê Cejna Karker û Kedkarên Cîhanê, bang li gel kir ku li qadan daxwazên xwe bilind bikin.
