Wezareta Çandinî û Çavkaniyên Avê ya Hikûmeta Herêma Kurdistanê di derbarê bandora barana du rojên borî ya li ser bendavên Herêma Kurdistanê de daxuyaniyek da.
Di daxuyaniyê de hat diyarkirin ku ji ber pêla baranê û lêhiyên du rojên borî rêjeya ava li bendavên Herêma Kurdistanê zêdetir kiriye.
Hat ragihandin ku li bendavên Derbendîxan û Dukanê zêdetirî 100 milyon metre kûp av zêde bûye.
Her wiha li sinorê îdareya Germiyan, Silêmaniyê û Hewlêrê jî bendav tijî bûne.
Di heman demê de li sinorê parêzgeha Dihokê jî ava bendavan zêde bûye, lê bi rêjeyek kêmtir.
© 2026 – NÛÇE TV Hemû maf parastî ne. Nûçe Rastî ye