Di 29'ê çileya 2026'an de, di navbera Hêzên Sûriya Demokratîk û Hikûmeta Veguhêz a Sûriyê de peymanek hatibû îmzekirin.
Di çarçoveya bicihanîna bendên peymana 29ˊê Çileyê ya di navbera Hêzên Sûriya Demokratîk û Hikumeta Veguhêz a Sûriyê de li gundewarê Kobanê nuqteyên kontrolê yên hevbeş hatin avakirin.
Yek ji bendên kontrolê yên hevbeş li gundê Şêxlerê hat danîn.
Lê piştî danîna bendên kontrolê li gundê Şêxler ê Kobanê komeke çekdar êrişî bendên kontrolê yên hevbeş kirin.
Li gorî çavkaniyan ev êrîş ji aliyê komeke çekdar ê Emşatan ve, ji aliyê Cerablusê ve bi silogana Alah û Ekber hatiye kirin.
Hêzên Asayîş û Hêzên Ewlekariya Giştî bersiv dan van êrişan û di encamê de hin ji êrişkaran birîndar bûn.
Li gundê Cexer ê başûrê rojhilatê Kobanê 3 kes hatin revandin
Li gel van êrîşan li gundewarên Kobanê gelek bûyerên revandin,dizî û talanê jî rû dan.
Di 4'ê Adarê de 3 kes ji gundê Cexer ê li başûrê rojhilatê bajarê Kobanê û başûrê rêya M4, hatin revandin.
Çavkaniyan got komekê ku xwe weke hêzên ewlehiya giştî pênase dikir, her sê kes ber bi cihekî ne diyar ve birine û heta niha agahî ji wan nayên girtin.
Li kêleka van bûyeran di 5'ê Adarê de komên çekdar ên Hikûmeta Veguhêz a Sûriyê ji Kobanê vekişiyan.
Lê beriya ku ji gundewarên Kobanê vekişin, 74 gund talan kiribûn.
Ev pêkanînên ku tên kirin di nav civakê de, derbarê rekeftina hatiye kirin û pêkanîna wê de gumanan ava dike.
