Sîpan Hemo têkildarî êrîşên ji duh ve li dijî taxên Şêxmeqsûd, Eşrefiyê û Benî Zêd ên bajarê Helebê tên kirin ku di encamê de 7 kes şehîd bûn û 52 welatî birîndar bûn, axivî.
Di daxuyaniya ku li malpera QSDˊê hatiye parvekirin de Sîpan Hemo diyar kir ku taxên Şêxmeqsûd û Eşrefiyê sembola berxwedanê ne, gelê wan taxan zêdetirî 15 salan rûbirûyî tevahî şêweyên êriş, dorpêçan e, bi tax û malên xwe ve girêdayî man, ji bo parastina rûmet û ewlehiyê hevgirtî bûn.
Sîpan Hemo da zanîn ku hişyariya gel, yekitî û berxwedana wan wê bingeha têkbirina tevahî plan û gefan bimînin û dê ev tax keleha berxwedanê bimînin û neyên şikandin.
Endamê Fermandariya Giştî ya QSD’ê Sîpan Hemo anî ziman ku berxwedan û serhildana gel dê bi vîna sabît parastina xak, mirovahî û rûmetê berdewam bike.
