Li gorî agahiyan, li taxa Şurta ya li devera Sibênê ya Gundewarê Şamê, 2 çekdarên li ser motorsiklêtekî gule li ciwanekî barandin û ciwan yekser jiyana xwe ji dest da.
Heta niha sedema vê bûyerê nehatiye zanîn.
Li bajarokê Hirêtan ê li gundewarê bakur ê Helebê jî, kesek ku bi têkiliya xwe bi rejîma berê re dihate tawanbarkirin, li ser destê çekdarên nenas bi guleyan hat kuştin.
Li gundewarê Humsê bêhtirî 50 kesî hatin girtin
Her wiha endamên Ewlekariya Giştî yên Hikûmeta Veguhêz li gundewarê rojava yê Humsê operasyoneke berfireh a serdegirtinê pêk anî.
Li gorî agahiyan, ev operasyon li gundê Mite-arid pêk hat û bêhtirî 50 kesî ji gund hatin girtin û hin ji wan rastî lêdan û êşkenceyê hatin.
