Hevseroka Daîreya Têkiliyên Derve ya Herêma Bakur û Rojhilatê Sûriyê, Îlham Ehmed teqîna li Mizgefta Îmam Elî bin Ebî Talib li taxa Wadî Zehab a Humsê şermezar kir.
Îlham Ehmed diyar kir ku ev bûyereke trajîk e û ne bûyereke îzolekirî ye.
Îlham destnîşan kir ku ev êrîş di encama hawirdoreke ku ji aliyê axaftina nefretê û provakasyonê ve tê şewitandin û wiha got:
“Civaka ku li şûna parastina xwe bike li dijî hev şerdikin.”
Îlham Ehmed: Îro berpirsyariya me parastina sivîlan e
Hevseroka Daîreya Têkiliyên Derve da zanîn ku ev cure tundûtûjî ne ji nişka ve derdikeve, lê ji aliyên bê aramî tê hilberandin, ev alî ji parçebûn û valahiyê sûd werdigire.
Di dawiyê de Hevseroka Daîreya Têkiliyên Derve ya Herêma Bakur û Rojhilatê Sûriyê, Îlham Ehmed got:
“Îro berpirsyariya me parastina sivîlan û hesabxwestina ji tawanbaran e.
Ji ber ku Sûriye ne li ser provakasyonê bê avakirin, lê li ser bawerî û ewlekariyê wê bê avakirin û ez sersaxî ji qurbaniyan û şîfayê ji birîndaran re dixazim.”
Şêx Elî Qedûr: Hikûmeta Şamê nikare pirsgirêkên Ewlehî çareser bike
Di heman demê de serokê Meclisa Îslamî ya Elewiyan li Lubnanê, Şêx Elî Qedûr, daxuyaniyek da û teqîna ku li Mizgefta li taxa Wadî Zehab a Humsê pêk hat şermezar kir û ew wekî "êrişeke terorîstî ya tirsonek" bi nav kir.
Her wiha di daxuayniyê de hat destnîşankirin ku desthilatdarên heyî ya li Şamê nikare pirsgirêkên ewlehî, şert û mercên jiyanê yên bingehîn çareser bikin.
Di dawiya daxuyaniya meclisê de daxwaz hat kirin ku herêmên peravê yên Sûriyê û kêmneteweyên li Sûriyê têkevin bin parastina navneteweyî.
Benda 7`emîn Peymana Neteweyên Yekbûyî bê aktîfkirin.
