Li gorî çavkaniyan, dema ku artêşa dewleta Tirk û komên çekdar ên girêdayî wê, di dawiya Kanûna 2024’an de herêma Şehbayê dagir kirin, Canyar û birayê xwe yê mezin Reşîd ji aliyê wan ve hatibûn revandin.
Îstîxbarata Tirk, Canyar tevî 18 kesên din, birin girtîgeha gundê Qetmê yê Efrînê û ji bo serbestberdana wan fidiye ji malbatên wan xwestin.
Piştî fidiye dan, Canyar hat berdan û di 16’ê îlona îsal de, hat agahdarkirin ku biçe navenda hêzên Hikumeta Veguhêz û belgeya "beraatê" binîvisîne.
Lê çavkaniyan diyar kirin ku Canyar ji wê demê ve hatiye revandin û aqûbeta wî nayê zanîn.
Malbata Canyar ji ber rewşa Canyar bi fikar e û dibêjin ku hêzên Hikumta Veguhêz berpirsê silametiya wî ye.