Agirê ku li herêmên wekî "La Bota", "Itchimbía" û "La Vicentina" dest pê kir, ji ber bayê xort zû ber bi taxên niştecihbûnê ve çû. Dûmaneke reş û stûr esmanê paytextê girt û rewşeke awarte afirand.
Fermandariya Agirkujiyê ya Kîto ragihand ku nêzîkî 60-70 agirkuj tevî 14 wesayîtên hawarçûnê û helîkopteran ketin dewrê daku agir kontrol bikin. Helîkopteran ji bo vemirandina agir gelek caran av ji hewayê de rijandin.
Her weha welatiyên herêmê jî bi satil û lûleyên avê alîkariya tîmên agirkujiyê kirin daku rê li ber pêşveçûna şewatê bigirin û malên xwe biparêzin. Piştî xebatên dijwar yên çend saetan, tîman karîbû agirê li taxên bakur kontrol bikin. Hat diyarkirin ku di vê bûyerê de ti kesî jiyana xwe ji dest nedaye û birîndarên giran çênebûne.
