Tê zanîn ku ev demek e li Bakurê Kurdistanê ji ber rewşa hewayê ya nebaş, riyên gelek bajar û gundan hatine girtin.
Rewşa hewayê ya nebaş bandorê li Wan, Bitlîs, Mûş û Hekariyê dike.
Berf, bager û barana zêde, rêyên gelek wargehan girtine.
Li Wanê, rêyên 50 wargehan ku 18 tax û 32 gund in, ji bo trafîkê hatine girtin. Tîmên Şaredariya Bajarê Mezin ji bo vekirina rêyên girtî hewldanên xwe didomînin.
Tîmên paqijkirina berfê li Bitlîsê jî xebatên xwe berdewam dikin. Tê zanîn ku rêyên 82 gundên wê hatine girtin û li Mûşê jî rêyên 15 gundan hatine girtin.
Li navenda Colemêrgê û navçeyên wê berf dibare. Ji ber berfa zêde hat ragihandin ku rêyên 23 gund û mezrayan hatine girtin.
