Ji gelek welatên cuda û Kurdistanê akademîsyen, siyasetmedar û pispor tevlî konferansê bûn. Di Konferansê de modela zanîngehê û pêvajoya akademîk hat nîqaşkirin.
Serokê IKHS'ê Younes Bahram û Prof. Dr. Christoph Scholz axaftina destpêkê kirin. Her duyan qala xurtkirina hevkariya navneteweyî kirin.
Di konferansê de, avahiya akademîk û bernameyên perwerdeyê hatin nirxandin.
Tê payîn ku Zanîngeha Kurd a Navneteweyî ya li Dresdenê sala 2026'an dest bi perwedeyê bike. Perwerde wê bi Kurdî, Almanî û Ingilîzî be.
Zanîngeh armanc dike ku di mijarên Kurdolojî, wêje, dîrok, civaknasî, huner û endezyariyê de bernameyên lîsansa bilind pêşkêş bike.
