Serokê Komîsyonê Paulo Sergio Pinheiro duh bi rêya dîmenekî beşdarî civîna Komîteya Sêyemîn a Civata Giştî ya Neteweyên Yekbûyî bû.
Serokê komîsyonê ku rapora komîteyê pêşkêş kir, bûyer û komkujiyên di Adara îsal de li Laziqiye, Hema û Tertûsê rû dane, nirxandin û got di encamê de nêzî hezar û 400 kes hatine kuştin.
Pinheiro hişyarî da ku pêlên tundiya domdar û metirsîdar geşbîniya li ser hêza desthilata demkî ya ji bo bidawîkirina tundiyê ya li Sûriyê kêm kiriye.
Paulo Sergio Pinheiro bang li hikûmeta veguhêz a Sûriyê û welatên endamên NY’yê kir ku bi lez sedemên tundiyê çareser bikin, rê li ber dubarebûna binpêkirinn bigirin û bi rêya hesabxwestina ji berprisan, baweriyê di navbera dewlet û civakê de ava bikin.
