Wezîrê Parastinê yê Îsraîlê Israel Katz bi Rêberê Rûhî yê Durziyên Îsraîlê Muwafaq Terîf re civiya.
Katz li ser hesabê xwe yê X`ê ragihand ku ew ji bo parastina Durziyên li Sûriyeyê dixebitin û bi wan Durziyên ku agahî kom dikirin civiya.
Şerê parêzgeha Siweydayê ya başûrê Sûriyeyê, di navbera Durziyan û komên çekdar ên girêdayî Hikûmeta Demkî ya Sûriyeyê de derketibû û di encamê de bi sedan kes hatin kuştin û li gor NY jî derdora 130 hezar kesên din jî ji ber wî şerî koçber bûne.
Îsraîlê hêzên ewlehiyê û Wezareta Parastinê ya Sûriyeyê bombebaran kiribûn. Lewma Hikûmeta Demkî neçar ma ku hêza xwe ji Siweydayê vekişîne.