Di ser wefata Endamê Şandeya Îmraliyê ya DEM Partiyê Sirri Sureyya Onder re salek derbas bû.
DEM Partiyê ji bo salvegera yekemîn a Onder bernameyeke bîranînê li dar xist.
Tê de gelek kes tevlî bernameya bîranînê bûn.
Pervîn Bûldan: Em soz didin ku em ê aştiyê bînin
Endama Şandeya Îmraliyê ya DEM Partiyê Pervîn Bûldan di bîranîna Sirri Sureyya Onder de got:
“Berî salekê li hezaran malan şîn hat danîn. Cihê te tije nabe.
Ji bo aştiyeke birûmet pêk were te têkoşîneke mezin da.
Em soz didin ku em ê aştiyê bînin û diyarî te bikin.”
Bakirhan: Dema ku herkes bêdeng bû Sirri axivî
Hevserokê DEM Partiyê Tuncer Bakirhan jî dest nîşan kir ku di dema herî zêde zext dihatin meşandin de Sirri xwedî helwest bû û ev yek jî anî ziman:
“Bi saya kesên wekî Sirri, em hatin van rojan. Dema ku herkes bêdeng bû, Sirri axivî û baweriya aştiyê da me.
Em soz didin ku em ê aştiyê bînin vî welatî. Ez hemû kesên ku ji bo aştiyê têkoşiyane û jiyana xwe ji dest dane bi bîr tînim.”
