Joe Kent bi rêya hesabê xwe yê X'ê hinek wêne belav kirin û ragihand, "Ez nû ji hevdîtina bi hevkarên me yên têkoşîna li dijî terorê yên li Îraq û Sûriyeyê re vegeriyam ku şerê li dijî DAIŞ, El Qaîde û komên ser bi Îranê ve didomînin."
Di wêneyan de xuya dibe ku Kent bi Fermandara Yekîneyên Parastina Jinê (YPJ) Rohilat Efrîn, Fermandarê Giştî yê Hêzên Sûriyeya Demokratîk (QSD) General Mezlûm Ebdî û leşkerên Îraqê re hevdîtin kirine.
Joe Kent diyar kir ku ew çûye Îraq û Sûriyeyê û bi hevkarên xwe yên têkoşîna li dijî terorê re civiyaye.
Kent diyar kir ku ew ji ber bipêşketin û sozdariya hevalbendên xwe kêfxweş e û wiha pê de çû:
"Gelekî balkêş bû dîtina pêşketina ku hatiye bidestxistin û sozdariya hevkarên me ya ji bo têkoşîna me ya li dijî terorê."
