Bafil Talebanî bal kişand ser Partiya Demokratîk ya Kurdistanê (PDK) û got:
"Aliyek heye xwe xwediyê we dizane. Ew piştî Enfala Barzaniyan piştî ewqas sûcan çûn li tankên Sedam siwar bûn. Ma ew ê ji bo we kar bikin.
31'ê Tebaxê ticar ji bîr nabe. Birîneke ya gelê Kurd e. Wan ew sûc kirin û Kurd şehîd kirin, di komkujiya Şengalê de Êzidî firotin. Reviyan, xaka me firotin Tirkiyeyê."
Talebanî: PDK'ê girtîgeh ji rojnamevan û çalakvanên siyasî tije kiriye
Her wiha Talebanî destnîşan kir ku PDK'ê girtîgeh ji rojnamevan û çalakvanên siyasî tije kiriye û wiha axivî:
Kê nefta Herêma Kurdistanê talan kir û ji bo xwe firot. Ji ber çi zarokên me tên bombekirin û dron diçin Hewlêrê."
"Têkiliya YNK'ê bi bexdayê re heye"
Talebanî anî ziman ku tenê ew dikarin li Bexda pirsgirêkan çareser bikin û ew rê nedin ku gaza wan bibin, ji ber ku elektirîka wan heye.
Talebanî eşkere kir ku Têkiliya YNK'ê bi Bexdayê re heye û ji bo berjewendiyên gel dikarin heta dawî kar bikin.
Serokê Yekîtiya Niştîmanî Kurdistanê, da zanîn ku ev demeke ciwan hatine piştguhkirin û wê YNK'ê zêdetir cih û rol bide wan.
Talebanî: Divê zêdetir cih ji bo jinan bê dayîn
Her wiha Talebanî diyar kir ku divê cih zêdetir ji bo jinan bê dayîn û di nava hemû aliyan de hebe.
Herî dawî Talebanî bang li her kesî kir ku biçe ser sindoqan û dengê xwe bidin YNK'ê.
Hat ragihandin ku îro saet 07:00 ’an dema propagandaya hilbijartinê ya dema Şeşan ya Parlementoya Iraqê bi dawî dibe.
11'ê Mijdarê jî dengdan xilas dibe.
