Îdir, yek ji bajarên bakurê Kurdistanê ye.
Bajarekî pirnasnameyî ye ku gelên Azerî, Terekeme, Tirk û Kurd bi sedsalan e bi hev re lê dijîn.
Li vî bajarî, bi sedsalane ziman, çand û ezmûnên jiyanê yên neteweyên cûda ketine nav hev û bi hevra jiyane.
Bi boneya pîrozbahiyên Newrozê li Îdirê jî Cejna Newrozê bi çoş hate pîroz kirin.
Jinên ku li qada pîrozbahiya Cejna Newrozê kom bûn li ser Pêvajoya Aştî û Civaka Demokratîk axivîn.
'Dewlet çi bike jî em Kurd in'
Kudret Çakmasê, diyar kir ku ew ji bo yekitiya gelan li qada Newrozê ye û got:
"Dewlet çi bike jî em Kurd in. Me bikuje jî em Kurdin.
Tişteke ku ji Kurdan mezintir nîne.
Li vir em hemû gel bi hevre dijîn.
Em bi hevre tên û bi hevre diçin.
Em dixwazin ku ev pêvajoye baş derbas bibe."
'Em ê bi ser kevin û dê rêberê me azad bibe'
Ayşe Bagisê jî ji bo azadiya fizîkî ya Damezrînerê PKK'ê Abdullah Ocalan wiha axivî:
"Em ji bo azadiya xwe li vir in. Em dixwazin serokê me azad bibe.
Em dixwazin ku ev Newroz bibe Newroza azadiyê, Newroza şahiyê.
Em ê bi ser bikevin û dê serokê me jî azad bibe. "
Miskap Anuş a ku bi cil û bergên xwe yên herêmî li qada Newrozê, cihê xwe girtî jî got:
"Ez ji bo aştiyê li vir im.
Em bi hêvîdar in ku ev pêvajo dê bi ser bikeve.
Banga min ji gele Kurd re ew e ku di vê pêvajoyê de tifaqiya xwe çêbikin."
