Li herêmê bi zêdebûna germahiya hewayê re, pirsgirêkên tenduristiyê yên mîna bêhêzî, tîbûn û jehrîbûna xwarinê derdikevin pêş.
Rêxistina Tenduristiyê ya Cîhanî (WHO) hişyarî dide ku di nav tîna germê de, parastina şileyê laş şarta herî pêşîn e.
Pisporên tenduristiyê destnîşan dikin ku guhertina parêza xwarinê di mehên havînê de rasterast bandorê li ser parastina enerjî û hênkiya laş dike.
Di rojên germ de, parastina hevsengiya laş rasterast bi guhertina parêza xwarinê ve girêdayî ye.
Ji bo vê yekê, divê mirov li şûna vexwarinên kafeînî û xwarinên giran (mîna goştê sor, sorkirin û şîraniyên bi şerbet) ku laş diwestînin û germahiya hundirin bilind dikin, berê xwe bide xwarin û vexwarinên sivik.
Vexwarina 2,5-3 lître avê li gel tercîhkirina fêkî, sewze, mast û goştê spî (mirîşk û masî), nahêle laş bê av bimîne û pergala rûvîyan di bin tîna germê de diparêze.
Her wiha Rêxistina Tenduristiyê ya Cîhanî (WHO) balê dikişîne ser paqijî û parastina xwarinê.
Di germê de bekteriya zû zêde dibin, loma divê xwarinên mayî bêyî derengketinê bikevin sarinca xwarinê da ku rê li ber jehrîbûna xwarinê bê girtin.
