Di çarçoveya zêdebûna êrîşên Îsraîlê de yên li ser koma Hizbulahê a ku ji aliyê Îranê ve tê piştgirîkirin, Îsraîlê li navenda Beyrûtê avahiyek hedef girt.
Êrîşa hewayî ku li dora demjimêr 5:30'ê êvarê pêk hat, avahiyek li taxa Başûra ku nêzîkî kîlometreyekê dûrî Saraya Mezin, baregeha Hikûmeta Libnanê li navenda Beyrûtê ye, hedef girt.
Hefteya borî Îsraîlê êrîşên hewayî û bejayî li dijî Hizbulaha Libnanî pêk anîn.
Hizbulahê di 2'yê Adarê de, êrîşî Îsraîlê kir û got ku armanca wan tolhildana kuştina Rêberê Bilind ê Îranê Ayetullah Elî Xameneyî ye.
Ji wê demê ve, Hizbulah her roj roket û balafiran davêje Îsraîlê.
Li gorî wezareta tenduristiyê ya Libnanê, Îsraîlê taxên Başûr, Rojhilat û Başûrê Beyrûtê, bombebaran kiriye.
Di encamê de, zêdetirî 600 kesî hatine kuştin.
Îsraîlê li heman deveran fermana valakirina girseyî daye û zêdetirî 800 hezar kes neçar mane ku malên xwe biterikînin.
Wezîrê Parastinê yê Îsraîlê Yisrael Katz got ku artêşê talîmat wergirtiye ku operasyonên xwe li Libnanê berfireh bike.
Artêşa Îsraîlê li Tehranê xalên kontrolê yên Besîcê bombebaran kir
Artêşa Îsraîlê ragihand ku hêzên wê yên hewayî xalên kontrolê yên Besîcê li Tehranê bombebaran kir.
Di van rojan de, xalên kontrolê yên Besîcê û personelên Îranê ji aliyê hêzên hewayî yên Îsraîlê ve, li ser bingeha îstîxbarata leşkerî çend xal hatin tesbît kirin û hedef girtin.
