Ev 16 roj in şerê di navbera Îsraîl û Hizbullahê de berdewam e.
Îro Wezareta Tenduristiyê ya Libnanê ragihand ku di êrîşên hewayî yên Îsraîlê de herî kêm 6 kes hatine kuştin û 24 kes jî birîndar bûne.
Her wiha diyar kir ku bêyî hişyariyek pêşwext navenda paytexta Libnanê, Beyrût hatiye hedef girtin.
Di heman demê de Îsraîlê êrîşên xwe li taxên başûrê Libnanê dewam dike.
Êrîşeke asmanî li herêma niştecihbûnê ya Basta ku di şerê 2014´an de di navbera Îsraîl û Hizbullahê de ji aliyê hêzên Îsraîlê ve hatibû êrîşkirin, hat hedef girtin.
Îsraîl ji bo êrîşkirina hin deveran li Libnanê hişyariya valakirinê dide
Artêşa Îsraîlê ji bo êrîşkirina hin deveran li Libnanê hişyariya valakirinê dide.
Artêşa Îsraîlê îro vê sibehê ji bo avahiyek li gundê Aqîbiya li navçeya Sîdon a başûrê Libnanê hişyariya valakirinê da.
Duh berdevkê artêşa Îsraîlê Avichai Adraee bi rêya medyaya civakî hişyariyek lezgîn da û ji niştecihên Tyr, kampên derdorê û taxan xwest ku tavilê malên xwe vala bikin.
Di 2´ê Adarê de Hizbullah ji bo tolhildana kuştina Rêberê Bilind ê Îranê Elî Xamineyî êrîşî Îsraîlê kiribû û di encamê de Îsraîl jî bersiv dabû êrîşên Hizbullahê.
Li gorî Wezareta Tenduristiyê ya Libnanê, ji destpêka şer ve di êrîşên asmanî yên Îsraîlê de 912 kes hatine kuştine.
Zêdetirî milyonek kes wekî kesên bêwar qeyd bûne, ku zêdetirî 130 hezar ji wan di zêdetirî 600 stargehên kolektîf de dijîn.
