Li gorî Televîzyona Îranî, demeke berê şandeya beşdar di danûstandinan de, li Pakistanê piştrast kiriye ku eger "berjewendiyên gel û Komara Îslamî" neyên bidestxistin, ew ê ji danûstandinan derkevin.
Beriya vê yekê jî, Ajansa Nûçeyan a Tasnimê, ragihand ku danûstandin ji çarçoveyên giştî derketine û li ser hin mijaran gihîştine qonaxa nîqaşên teknîkî.
Di 24 demjimêrên borî de, Artêşa Îsraîlê zêdetirî 200 êrîşên asmanî li dijî hedefên Hizbullahê li Libnanê pêk anîne.
Hêza Hewayî ya Îsraîlê hedefgirtina binesaziya Hizbullahê berdewam dike.
Her wiha Îsraîl piştgiriya esmanî ji bo hêzên bejayî yên li başûrê Libnanê dixebitin peyda bike.
Di heman demê de Artêşa Îsraîlê hewl dide cihên avêtina roketan hedef bigire da ku êrîşên li dijî welatiyên Îsraîlê asteng bike.
Her wiha li gorî Kanala 12 a Îsraîlê ji îro sibehê ve nêzîkî 30 roket û 5 dron ber bi bakurê Îsraîlê ve hatine avêtin.
Li gorî agahiyên ku hatine belavkirin, roja Sêşemê li Wezareta Derve ya Amerîkî bi armanca nîqaşkirina agirbestê li Libnanê civîneke destpêkê wê were lidarxistin.
Her wiha Berdevkê Wezareta Derve ya Îranê Îsmaîl Beqayî jî, eşkere kiribû ku şertê wan ê bingehîn di danûstandinan de, agirbesta li Libnanê ye.
