Navenda Operasyonên Bazirganiya Deryayî ya artêşa Brîtanyayê (UKMTO) ragihand ku îro li berava Sirikê ya Îranê keştiyeke wan a barhilgir rastî êrîşekê hatiye.
Ji aliyê xwe ve, rayedarên Îranî kontrola xwe ya li ser Tengava Hurmizê piştrast kirin û diyar kirin ku keştiyên ne Amerîkî û ne Îsraîlî dikarin bi dayîna bacê di rêya avê re derbas bibin.
Navenda Operasyonên Bazirganiya Deryayî ya artêşa Brîtanyayê da zanîn ku kesî berpirsyariya êrîşê li xwe negirtiye.
Li gorî Navenda Operasyonan, ji 22’ê nîsanê û bi vir ve, êrîşa li ser keştiya barhilgir bûyera yekem e ku rûdide.
Piştî ku gera duyem a danûstandinên bi Îranê re li Pakistanê bi ser neket, Dewletên Yekbûyî yên Amerîkayê dorpêça deryayî li ser benderên Îranê sepand.
Trump got ku heta di navbera Tehran û Washingtonê de lihevkirinek çênebe, wê derpêç berdewam bike.
Trump: Waşintonê pişiniyara Tehranê xwend û em wan red dikin
Her wiha Trump got ku Waşintonê pişiniyara Tehranê xwend û em wan red dikin.
Îranê got ku Dewletên Yekbûyî yên Amerîkayê bi rêya Pakistanê bersiva pêşniyara wê ya 14 xalan daye û ew bersivê dinirxîne.
Medyaya fermî li ser zimanê berdevkê wezareta derve ya Îranê got:
"Di vê qonaxê de ti danûstandinên nuklerî tune ne."
