Berdevkê leşkerî yê Hûsiyan, Yehya Serî ragihand ku hêzên wan bi drona xwekuj êrişî parzûngeha Aramco ya li bajarê Cazanê yê li başûrê rojavayê Erebistana Siûdî kirine û di encamê de xaleke hesas bi xurî hatiye lêdan.
Li aliyê din, Wezareta Enerjiyê ya Erebistana Siûdî piştrast kir ku di nav tesîsa parzûngeha Aramco ya li Cazanê de şewat derketiye. Wezaretê destnîşan kir ku tîmên agirkujê karîne agir kontrol bikin û vemirînin, her wiha da zanîn ku di vê bûyerê de tu zirarên canî çênebûne.
Ev êriş di demekê de tê ku di hefteyên dawî de tevgera Hûsiyan êrişên xwe yên li ser tesîsên petrolê û keştiyên barhilgir zêde kirine, ku ev yek aloziyên ewlehiyê yên li herêmê hîn bêtir giran dike.
