Asayîşê bi daxuyaniyekê ragihand ku duh li gundewarê Dêrazorê hêzên wan ên taybet (H.A.T.), bi Dezgeha Ewlekariya Giştî re operasyoneke ewlehiyê pêk anî. Di encama operasyonê de, 9 kesên ku destê wan di êrîş û karên girêdayî terorê de hebûn, hatin girtin.
Her wiha Asayîşê eşkere kir ku di operasyonê de, çek û cebilxane hatin desteserkirin ku ji aliyê wan 9 kesan ve ji bo êrîşan hatibûn amadekirin.
Di dawiya daxuyaniyê de, Fermandariya Giştî ya Hêzên Ewlekariya Hundirîn a Bakur û Rojhilatê Sûriyê soz da ku ew ê operasyonên bi vî awayî berdewam bikin, da ku gelê xwe biparêzin.
