Hevserokên Partiya Wekhevî û Demokrasiyê ya Gelan (DEM Partî) û Hevserokê Kongreya Netewî ya Kurdistanê (KNK) bi nirxandinên cûda gava Koma Aştî û Civaka Demokratîk nirxandin.
Li ser navê herdu hevserokên DEM Partî daxuyaniyek hate parvekirin.
Di daxuyaniya ku li ser navê herdu hevserokan hate dayin de ev tişt hatin gotin:
"Îro yek ji xalên werçerxê ya dîroka sedsalî ya Rojhilata Navîn û Tirkiyeyê pêk tê. Ji Îmraliyê 26 sal şûnde banga bi dîmen a ji bo aştiyê hat, îfadeya herî xurt a banga ji bo ruhê kevnar ê van axan e.
Piştî banga Îmraliyê bi merasîma şewitandina çekan a PKKê re serdemeke nû ji bo çareseriya pirsgirêka Kurd û avakirina Tirkiyeyek demokratîk dest pê dike.
Biryara xatirxwestina çekan a PKKê, ne tenê ji bo pirsgirêka Kurd e, misogeriya ji bo hemû pirsgirêkên Tirkiyeyê bi rêbazên demokratîk werin çareserkirin derxist holê.``
Bakirhan û Hatîmogullari di axiftina xwede diyar kirin ku ew ê vê pêvajoyê bi serfirazî, sebir û israr biparêzin û banga çêkirina qanûnan mezinkirina siyaseta demokratîk kirin.
HEVSEROKÊ KNKÊ: DIVÊ HER KES TEVLÎ PÊVAJOYÊ BIBE
Hevserokê Kongreya Netewî ya Kurdistanê-KNKê Ahmed Karamus jî derbarê helwesta gerîlayên Kurdistanê de axivî.
Ahmed Karamus çek şewitandina gêrîla wiha nirxand:
"Ev helwesta gêrîla nîşan dide ku ev pêvajo bi awayekî teslîmbûnê nîn e. Ev samîmiyeteke û dirûstiyê nîşan dide. Lewma em helwesta hêzên gêrîla gelekî pîroz dibînin û piştgiriyê didin.”
Karamûs piştigiriya xwe ji bo gava gava Koma Aştî û Civaka Demokratîk raberkir vê gavê weke gaveke dîrokî pênasekir û ev bang kir:
“Pêwîste li Rojhilat, Başûr, Bakur û Rojavayê Kurdistanê herkes tevlî vê pêvajoyê bibe da ku em karibin çareseriyê peyda bikin. Divê em destê diyalog û çareseriyê xurt bikin.``