Şaneyên çeteyên DAIŞ’ê êrîşî benda kontrolê ya bajarokê Şihêl li Dêra Zorê kirin.
Navenda Ragihandinê ya Hêzên Ewlekariya Hundirîn ya Bakur û Rojhilatê Sûriyeyê di derbarê êrişa çeteyên DAIŞ’ê de daxuyaniyek weşand.
Di daxuyaniyê de hate raghandin ku duh demjimêr 10:30’ê êvarî, komeke terorîst bi motorsêklêtekê û çekên sivik êrîşî benda kotrolê ya çerxerêya Etal a bajarokê Şihêl kir.
Hêzên Ewlekariya Hundirîn bersiva êrîşê dan, bêyî ku tu zirarên canî çêbibin û êrîşkar neçar man birevin.
Hate diyarkirin ku şaneyên DAIŞ’ê di van demên dawî de êrişên xwe li ser piraniya bajarok û gundewarên rojhilatê Dêra Zorê zêde kirine, bi taybet li Şihêl, Dîban û El Bisêra.
Hêzên Ewlekariya Hundirîn da zanîn ku hêzên wan, şopandina bermahiyên terorîst didomînin û bang li welatiyan kirin, ger tevgereke bi guman hebe raghînin da ku ewlehî û aramiya herêmê biparêzin.
Malva Misto