Di heman demê de Amerîkayê cezayên nû li ser pênc kes û saziyên ku destê wan di leşkerkirin û şandina leşkerên Kolombiyayî de ji bo şerkirina di nava refên Hêzên Piştgiriya Lezgîn de heye, ferz kirin.
OFAC: Şerê li Sûdanê berfirehbûna komên terorîst afirand
Ofîsa Kontrolkirina Mal û Milkên Biyanî (OFAC) a Wezareta Xezîneyê ya DYA’yê ragihand ku ev şebeke beşdarî gurkirina pevçûnê bûye ku bû sedema yek ji krîzên mirovî û birçîbûnên herî xirab ên cîhanê.
OFAC’ê zêde kir ku şerê li Sûdanê bêîstîqrarî li herêmê çêkir, şert û mercên ji bo berfirehbûna komên terorîst afirand. Aştî û ewlehiya herêmî û navneteweyî, di nav de ewlehî û berjewendiyên Amerîkayê, tehdît kir.
Scott Bisent: Divê hêzên çekdar ên li Sûdanê pabendî agirbestê bibin
Di heman demê de Wezîrê Xezîneyê yê Amerîkayê Scott Bisent got:
"Nayê qebûlkirin ku serokên Hêzên Çekdar ên Sûdanê û Hêzên Piştgiriya Lezgîn ji bo çareserkirina birçîbûna wêranker a ji ber şerê navxweyî yê li Sûdanê çêbûye, pabendî agirbesteke mirovî nebin.
Divê ew ji bo bidawîkirina vê krîza mirovî yekser tevbigerin."
