Endonezya û Çîn têkilyên xwe xurttir dikin. Wezîrên Derve û Berevaniyê yên Çînê bi hevtayên xwe yên Endonezyayî re civiyan.
Ev hevdîtin bi armanca xurtkirina hevkariya siyasî û leşkerî ya di navbera her du welatan de ye.
Ev hevdîtin çend rojan piştî tetbîqateke deryayî ya hevbeş pêk hat.
Her wiha wê demê Taywanê tetbîqateke deryayî wekî "provokasyon" bi nav kir.
Wezîrê Derve yê Endonezyayê Sugyono hevdîtina bi Wang Yî re wekî "qonaxek girîng di têkiliyên dualî de" di navbera Cakarta û Pekînê de bi nav kir.
Wezîrê Derve yê Endonezyayê wiha got:
"Ew hevdîtin platformeke stratejîk pêk tîne.
Hevkariya me ya dualî li ser her pênc stûnan e: têkiliyên siyasî, aborî, deryayî, ewlehî û têkiliyên di navbera gelan de."
Li gorî wergera ajansa Bloomberg a daxuyaniyê, Wezîrê Derve yê Çînê Wang Yî, da zanîn ku her du welat li hev kirine ku hevkariya xwe di warên enerjî, tenduristî û teknolojiya çandiniyê de kûrtir bikin.
Her wiha her du aliyan li hev kirin ku hevkariya xwe di sektorên masîgirtin û karûbarên deryayî de ji nû ve bidin destpêkirin.
Çîn û Endonezyayê berê li hev kiribûn ku tetbîqatên leşkerî, danûstandinên karmend û hevkariya di pîşesaziyên parastinê de berfireh bikin.
