Endamê Konseya Rêveber a KCK’ê Mustefa Karasu destnîşan kir ku wan gelek gavên yekalî avîtine û hewl didin ku bi vê re ji bo dewlet û desthilata AKP`ê û MHP`ê gavan bavêjin û zemîna wê ava bikin.
Karasu diyar kir ku hem Devlet Bahçelî hem jî dewletê biryarên wan baş dîtine. Lê nerast e ku hin biryarên me bên dîtin û hin jî neyên dîtin û wiha got:
"Ji meha Gulanê ve xwesteka me ya ku Rêberê Gelê Kurd destwerdanê bike û pêvajoyê bi rê ve bibe nehatiye pêkanîn."
"Sozên ku hatine danîn nehatine bicihanîn"
Endamê Konseya Rêveber a KCK’ê daxuyakirin ku Devlet Bahçelî bang kir û Rêber Abdullah Ocalan bersiv da, lê li hember vê yekê sozên ku hatine danîn pêk nehatine.
Mustafa Karasu wiha domand: "Divê Rêbertî hevdîtinê bi hin siyasetmedarên xwedî nêrînên cuda re bike; divê nêzîkatiya li hember Rêberberê Gelê Kurd bê guhertin."
Karasu: Divê ji gotinê wêdetir gav bên avêtin
Karasu diyar kir ku divê gavên wan destnîşan kirine werin avêtin lê li hember nêzîkatiyên dewletê bêbaweriyek heye û wiha got:
" Divê ji bo çareseriyê dewlet ji gotinê wêdetir gavan bavêje ."
"Wê pirsgirêk bi entegrasyona demokratîk werin çareserkirin"
Endamê Konseya Rêveber a KCK’ê da zanîn ku wê pirsgirêkên heyî bi entegrasyona demokratîk werin çareserkirin; pêdivî bi zemînek ji bo siyaseta demokratîk heye.
Mustefa Karasu eşkere kir ku ger li Tirkiyeyê gavên demokratîbûn û hin gavên demokrasiyê neyên avêtin pirsgirêk çareser nabin.
Karasu anî ziman ku Rêberê Gelê Kurd di sala 2012`an de gotibû bila li meclîsê komîsyoneke were avakirin û niha komîsyona hatiye avakirin jî projeye Rêberê gelê Kurd e.
Karasu bal kişand li ser axaftinên serokên meclîsê yên bêrê ku dibêjin meclîs nûnertiya Tirkiyeyê dike û got heke wisa be pewîste ji bo çareseriye meclîs rista xwe bilîze.
Endamê Konseya Rêveber a KCK’ê got ku divê komîsyon wekî navê xwe bibe "Komîsyona aşîtî, xwişk-biratî û demograsiyê."
Her wiha Mustefa Karasu ji bo serkeftina pêvajoyê ji milet û dostên pêvajoyê têkoşîneke rêxistinkirî xwest.
