Radyoya KurdFM ku di bin sîwana Federasyona Gelên Kurd (FED-GEL) de, li Eyaleta Baden-Wurttemberg a Almanyayê hat vekirin.
Rêveberiya FM bi daxuyaniyekê vekirina radyoya KURD FM bi 3 zaravayên Kurdî, weke "mizgîniya Roja Zimanê Kurdî” ragihand.
Radyo bi rêya înternet û sepanên mobaîl, ji her devera cîhanê, dikare were guhdarkirin.
Li aliyekî din 'Akademiya Kurd' ji aliyê Kurdên li Swîsrayê ve hat damezrandin.
Berdevkê Akademiyê ragihand ku bingeha akademiyê, xwe dispêre karê du salan ê komîsyona perwerdeyê ya Konseya Kurd a Demokratîk a Swîsreyê (CDK-S).
