Di 9'ê Cotmeha 2019`an de Serêkaniyê û Girêsipî hatin dagirkirin
Bajarê Serêkaniyê û Girê Sipî bajarên Rojavayê Kurdistanê ne, dikeve Bakûr û Rojhilatê Sûriyê li ser xeta sînorê Bakurê Kurdistanê ku ew herdû bajar bi pirengiya xwe dihatin nasîn têde Kurd, Ereb û Suryan bi hev re, dijiyan.
Di 9'ê Cotmeha 2019`an de, Dewleta Tirk bi balafir, tank û obusan êrîşî herdû bajaran kir û di êrişên bejahî de jî, çekdarên bi navê Artêşa Nîştimanî ya Sûriyê hatin bikaranîn.
Şervanên Hêzên Sûriya Demokratîk QSD'ê ku ji Kurd, Ereb û Suryanan pêk tên, di nava 9 rojan de, li wan bajaran berxwe dan, piştre heta ku DYA û dewleta Tirk di 17'ê Cotmehê de gihîştin agirbestê ku 5 rojan dewam kir.
Piştî serdana serokkomarê dewleta Tirk ya Rûsyayê ku di 22'yê Cotmeha 2019'an pêk hat, Rûsya û dewleta Tirk rêkeftinek hate îmza kirin.
Xalên sereke yên vê rêkeftinê; dûrkirina HSD ji sînor û Belavbûna hêzên sînorparêz ên Sûrî li şûna wan û birêvebirina gerên hevbeş li ser sînor bû.
Di êrîşa 2019'an de 136 şehîd û 293 birîdar û 300 hezar kes koçber bûn
Li gorî daneyên Rêxistina Mafên Mirovan a Bakur û Rojhilatê Sûriyê di êrîşên dagirkirina Serêkaniyê û Girê Spî de, 136 kesên sivîl şehîd bûn û 293 kes jî, birîndar bûn di nav wan de, 64 zarok jî hebûn.
Her wiha li gorî ku hate ragihandin,di van êrîşan de 4 rojnemevan şehîd bûn û 6 rojnemevanên din jî birîndar bûn.
Ji ber êrîşên Dewleta Tirk ya bi balafir û çekên giran li ser wan bajaran gel neçar ma ku dev ji cih û warê xwe berde û koçberî cihên bi ewle bibe.
Li gorî ku Rêxistina Mafê Mirovan a Bakur û Rojhilatê Sûriyê daye xuyakirin zêdetirî 300 hezar kesî ji cih û warên xwe neçar bûn ku koçber bibin.
Guhertina demografîk: 3400 malbatên ji deverên cuda yên Sûrîyê li herdu bajan hatine bicihkirin
Heman çavkanî diyar dike ku 3400 malbatên ji deverên Sûryê yên cûda di malên valekirî yê Serkaniyê û Girê Spî de, hatine bicîkirin.
6 Sal li ser dagirkirina Serêkaniyê û Girê Spî re derbas bûn û heta niha niştecihên van bajaran ku li Kampan dijîn bi hêvî ne ku vegerin cih û warên xwe.
Koçberên herdu bajaran li kampa Serêkaniyê ya bajarê Hesekê û Kampa Girê Sipî ya bajarê Eyn Îsayê dijîn.
Di salên dagirkeriyê de; gelek binpêkirin ji revandin, girtin, talankirin û sepandina bacan li dijî welatiyên ku li Serêkaniyê û Girê Spî mane, hatin belgekirin.
Li gorî lêkolînên rêxistinên mafnasîyê, ji 2019'an ve 68 sivîl hatine kuştin, ji wan 7 jin in. Herî kêm 808 kes jî hatine girtin, 7 kes ji wan di bin êşkenceyê de hatine kuştin.
57 rêxistinên Suriyê banga vegara bi ewle dikin
Li gorî ku Rêxistina Hevdestî (Tazur) ragihandiye ku 57 rêxistinên Sûrî banga vegera bi ewle ji bo şêniyên wan herdû bajaran dikin .
Di peymana 10'ê Adarê ya di navbera Hikûmeta Veguhêz û Hêzên Sûriya Demokratîk de ku bendê pêncan ew bû ku şêniyên Serêkaniyê û Girê Sipî bi awayek bi ewle vegerin warên xwe. Li ser vê paymanê re 7 meh derbas bûn, lê hîn gavên cidî yên ji bo vegera bi ewle nehatine avêtin.