Li navçeya Liceyê ya Amedê, mînîbuseke ku ber bi Çewlîgê ve diçû, li devê ketina navçeyê wergeriya.
Ji 18 kesên di nav mînîbusê de bûn, 3 kesan li cihê bûyerê jiyana xwe ji dest dan û 15 kes jî birîndar bûn.
Piştî destwerdana bijîşkî ya destpêkê, birîndar rakirin Nexweşxaneya Dewletê ya Weqfa Halis Toprak a Liceyê û cenazeyên kesên ku jiyana xwe ji dest dane jî rakirin morga nexweşxaneyê.
Her wiha li navçeya Şemrexê ya Mêrdînê jî di navbera otomobîlek û motorsîkletekê de qeza çêbû.
Pîro Ceylan û Abdulkadîr Azak ên li ser motorsîkletê bûn, di vê qezaya ku li ser rêya taxa Qesrîkê pêk hat de, jiyana xwe ji dest dan.
Cenazeyên Ceylan û Azak ji bo karûbarên otopsiyê rakirin morga Nexweşxaneya Dewletê ya Şemrexê.
