Alîkarê Serokê Giştî û Berdevkê AK Partiyê Omer Çelîk li ser pevçûnên li Helebê diqewimin, li ser hesabê xwe yê X’ê daxuyaniyek belav kir.
Çelîk îddia kir ku li Sûriyê prensîba 'yek dewlet, yek artêş, yek Sûriye' çarçoveyek e ku maf û paşeroja her kesî diparêze."
"Hebûna du artêşan an jî komên çekdar ên li derveyî dewletê tenê dikeve xizmeta navendên hêzên xirab.
Li Sûriyê paşeroja birayên me yên Tirkmen, Ereb, Kurd û hemûyên din li heman alî dinêre.
Karê kesên ku berê xwe didin aliyên din, tenê suîqesta li dijî paşeroja hevpar e."
"Kesên çekan Hildigrin Xizmeta Navendên Hêzên Biyanî Dikin"
Berdevkê AK Partiyê her wiha anî ziman ku aştiya rasteqîn di nav Sûriyeke yekgirtî de ye .
"Eşkere ye kesên ku li dijî prensîba 'yek dewlet, yek artêş, yek Sûriye' çekan hildigirin, xizmeta navendên hêzên biyanî dikin.
Nabe projeyên terorê yên ku xizmeta emperyalîzmê dikin bi hinek têgeh û makyajên siyasî werin veşartin.
