Ev demek e dîsa şerê li Pakistan û Efxanistanê ketiye rojevê.
Li eyaleta Xeyber Pextûnixwa ya ku li bakur û rojavayê Pakistanê cih digire, cihekî kombûyîna ewlekariyê rastî êrîşa bi wesayîteke bombebarkirî hat.
Rayedaran diyar kir ku di encama êrîşê de herî kêm 9 endamên ewlekariyê yên paramîlîter û 10 êrîşkar mirin e.
Li gorî rayedarên ewlekariyê yên li Pêşawerê, êrîşkaran bi kemyoneke bombebarkirî xwe gihandin heta ber deriyê kombûyîna ewlekariyê.
Piştre jî demeke dirêj di navbera êrîşkaran û hêzên ewlekariyê de şer qewimî.
Hate ragihandin ku di vî şerî de herî kêm 35 endamên ewlekariyê birîndar bûne.
Êrîş li herêma Bacûrê ya li ser sînorê Efxanistanê qewimî.
Li heman herêmê topeke hawinê li kampeke din a paramîlîter ket.
Di bûyerê de sê endamên ewlekariyê birîndar bûn.
Talîbana Pakistanê berpirsyariya êrîşê li xwe girt
Rêxistina Tehrîk-î-Talîban a Pakistanê (TTP) berpirsyariya êrîşê li xwe girt.
Talîbana Pakistanê dema dawî bi taybetî li herêmên nêzî sînorê Efxanistanê êrîşên xwe zêde kiriye.
Eyaleta Xeyber Pextûnixwa rojên dawî bi êrîşên li pey hev re di rojevê de ye.
