Li Kosovayê roja yekşemê hilbijartinên giştî yên pêşwext hatin lidarxistin.
Rêjeya beşdarbûna hilbijêran li welatê ku nifûsa wê nêzîkî 2 milyon e, nêzîkî %44 bû.
Partiya Serokwezîr Albin Kurti, Vetevendosje , %49.8ê dengan wergirt.
Dengê reqîbê wê yê herî nêzîk a Partiya Demokrat a rastgir gihîşt nêzîkî %21ê.
Partiya Albin Kurti di rêza yekem de ye lê belê piraniya mutleq a di parlamentoyê de bi dest nexist.
Vetevendosje, ji 120 kursiyan tenê 56 kursî bi dest xist.
Piştî van encaman, ne dîyare ka wê krîza sîyasî ya li Kosovayê çawa çareser bibe.
Gelo krîza siyasî ya li Kosovayê bi dawî dibe?
Di hilbijartinên parlementoyê yên di meha Sibatê de de, partiya serokwezîr Kurti tenê ji sedî 42ê dengan wergirtibû.
Ji ber ku ew nekarî piraniya parlamentoyê bi dest bixe, krîza siyasî bi mehan dom kir.
Di parlamentoyê de biryargirtin hema hema ne mûmkûn bû.
Heta, ji bo hilbijartina serokê parlamentoyê jî 50 rûniştin pêwîst bûn.
Hewldanên ji bo avakirina hikûmetê jî têk çûn.
Ji ber vê yekê, budçeya sala 2026an nehat pejirandin.
Hwrwiha, alîkariya ku ji hêla Yekîtiya Ewropî ve hatîye dayîn, nehat wergirtin.
Serokwezîr Albin Kurti li dijî bandora Sirban a li Kosovayê têkoşîn dike.
Ev helwest, her çend piştgiriya gelek Albanên Kosovayî bi dest bixe jî, bi Belgradê re dibe sedemê alozîyê
Kosovayê di sala 2008an de serxwebûna xwe ji Sirbistanê ragihand.
Lêbelê, Sirbistan hîn jî serxwebûna Kosovayê nas nake.
