Wezareta Derve ya Dewletên Yekbûyî yên Amerîkayê ragihand ku wan Ixwan El Misilmîn ên li Sûdanê wekî rêxistineke Terorîst a Cîhanî ya Taybet destnîşan kiriye.
Wezaretê piştrast kir ev biryara wan wê ji 16`ê Adarê û pê ve bikeve meriyetê.
Di daxuyaniya Wezareta Derve de wiha hate gotin: ``Ixwan El mislimîn ên li Sûdanê ji bo têkbirina hewldanên bidawîkirina pevçûnê li Sûdanê û pêşvebirina îdeolojiya xwe ya tundûtûj, tundûtûjiyeke bê sînor li dijî sivîlan bikar tînin.
Çekdarên ku perwerde û piştgirîya xwe ji Supaya Pasdarên Îranê (IRGC) wergirtine, îdamên girseyî li ser sivîlan pêk anîne.
Lîwaya el-Bara' bin Malik ku bi Ixwan El Misilmîn ên li Sûdanê ve girêdayî ye, di Îlona 2025`an de li gorî Fermana Rêveberiyê ya 14098 û ji ber rola xwe di şerê hovane yê li Sûdanê de hate destnîşankirin.``
Di daxuyaniyê de hate diyar kirin ku Îran wekî dewleta pêşeng a cîhanê ya alîkar terorîzmê, çalakiyên xerab li çaraliyê cîhanê bi rêya IRGC fînanse û rêve biriye.
Daxuyanîyê hate teqezkirin ku Amerîka wê hemû amûrên berdest bikar bîne da ku rejîma Îranê û şaxên Îxwan Misilman ji çavkaniyên ku dihêle ew tevlî terorîzmê bibin an jî piştgiriyê bibînin, bêpar bike.
