Ewlekariya Peravên Tirkiyê di daxuyaniyekê de ragihand ku li peravên parêzgeha Antalyayê li başûrê Tirkiyê, dema ku qeyikeke lastîkî ya koçberan li yek ji keştiyên wan qelibî, herî kêm 14 kes mirin.
Di daxuyaniyê de hat gotin ku qeyik îro serê sibehê li perava Fînîke ya Antalyayê hat dîtin.
Her wiha destnîşan kirin ku wan gelek caran hişyarî da penaberan ku rawestin, lê wan hewl daye birevin.
Di daxuyanîyê de hate diyarkirin ku qeyik paşê li keştiyek Ewlekariya Peravê qelibî ye.
Hate destnîşankirin ku şeş koçber û welatiyekî Tirkiyê hatine rizgarkirin, termê 14 kesan hatine dîtin û 15 kesên din piştî ku rêwîtiya xwe di qeyikê de heta bejahî domandine, hatin girtin.
