Desteya Hundirîn di biryarnameyê de salvegera yekemîn a rûxandina rejîma Baasê li gelê Sûriyê pîroz kir.
Her wiha hêviya pêşketin, demokrasî, pirrengî, hevbeşî û azadî di Sûriyeke yekbûyî ya nenavendî de kir.
Desteyê di biryarnameyê de got: "Ji ber zêdebûna tevgerên şaneyên DAIŞ’ê ku hewl didin sûdê ji salvegera rûxandina rejîma berê bigirin biryar da."
Desteya Hundirîn diyar kir ku ew li tevahî herêmên Bakur û Rojhilatê Sûriyê di rojên 7 û 8’ê vê mehê de kombûn û çalakiyên girseyî qedexe dikin.
Desteya hûndirîn a Bakur û Rojhilatê Sûriyê di dawiyê de got ku ev biryarname li gor biryara 19’an a ji aliyê Hevserokatiya Meclisa Rêveber a Rêveberiya Xweser ve hatiye dayîn.
