Platforma Saziyên Demokratîk a Muşê li avahiya bajêr a Partiya Wekhevî û Demokrasiyê ya Gelan (DEM Partiyê ) ya Muşê derbarê pîrozbahiyên newrozê yên li bajêr de daxuyaniyek da.
Hevseroka şaxê bajarê Mûşê ya DEM Partiyê Çîçek Tutuş, derbarê pîrozbahiyên cejna newrozê yên li Mûşê de wiha got:
"Newroz Wê di 14'ê Adarê de li navçeya Kop (Bulanık) a Mûşê,
di 15'ê Adarê de jî li navenda bajarê Mûşê were pîrozkirin.
Bila hemû gelê me bi helwest, nasname û çanda xwe ya bi rûmet derkeve kolanan."
Hevseroka şaxê Mûşê yê DEM Partiyê Çîçek Tutuş axivî û bal kişand ser şerên ku pergala kapîtalîst li çaraliyê cîhanê bi armanca îstismarkirinê dimeşîne.
Çîçek Tutuş diyar kir ku perspektîfa Abdullah Ocalan, neteweya demokratîk û konfederalîzma demokratîk dê bibe çareserî û wiha got:
"Misogerkirina azadiya fîzîkî, şert û mercên xebata azad a Abdullah Ocalan ji bo mayîndetiya aştiyê berpirsiyariyeke dîrokî ye.
Ev daxwaz rojev û erkeke bingehîn e li pêşiya me, Îradeya gelan ji bo avakirina pêşerojeke hevpar xurt dike.
Hevseroka şaxê Mûşê yê DEM Partiyê Çîçek Tutuş di dawiyê de got:
"Îdeolojiya rizgariya jinan, bingeha têkoşîna azadiyê,
Bi gerdûnîbûna xwe ji bo mirovahiyê çavkaniya hêviyê ye "
