Meclisa Dayikên Aştiyê piştî 12 salan konferansa xwe ya 3'emîn bi aramanca civakeke demokratîk û aştiyeke mayînde ji bo du rojan li dar dixin. Konferans li Navenda Kongreyê ya Çanda Amedê tê lidarxistin.
Di konferansê de Tevgera Jinên Azad (TJA), rêxistinên DEM Partî û DBP'ê yên bajêr û navçeyan, hevşaredar, parlementerên DEM Partiyê û rêxistinên civaka sivîl beşdarî konferansê bûn.
Di hola konferansê de posterek mezin ê Rêberê Gelê Kurd Abdullah Ocalan, wêneyên Dayikên Aştiyê yên di dîrokên cuda de jiyana xwe ji dest dane û jinên hatine qetilkirin hatin daliqandin.
Rêberê Gelê Kurd Abdullah Ocalan peyamek ji konferansa Dayikên Aştiyê re şand û got:
"Ez hemû dayikên aştiyê silav dikim û di xebatên wan de serkeftinê dixwazim."
